எங்களை பற்றி

ஆறு ஆண்டுகளுக்கு முன்பு எங்கள் நண்பரின் பள்ளி வகுப்பறைகளுக்கு உள்ளேயும் வெளியேயும் சில ஓவியங்கள் வரையவும், பள்ளி கட்டிடங்களுக்கு வண்ணம் தீட்டவும், நானும் பள்ளி ஆசிரியர்களாக பணிபுரியும் எனது நண்பர்களும் ஒன்றுகூடி முடிவு செய்தோம். அது வெற்றிகரமாக செய்து முடித்தது எங்களுக்கு மிகுந்த மகிழ்ச்சியைத் தந்தது.

இதன் விளைவாக, அரசு பள்ளிகளில் மாணவர்களின் வருகையை அதிகரிப்பதற்கும், இடைநிற்றலைத் தவிர்ப்பதற்கும், 10 க்கும் மேற்பட்ட தன்னார்வ ஆசிரிய நண்பர்கள் ஒன்றிணைந்து மலைப் பள்ளிகளில் உள்ள அரசு பள்ளிகளை தனியார் பள்ளிகளுக்கு இணையாக மாற்ற வண்ணம் பூசவும்,ஓவியம் வரைவும் பட்டாம்பூச்சி குழு என்ற அமைப்பை உருவாக்கினோம்.

இதைத் தொடர்ந்து பட்டாம்பூச்சிக் குழுவை சேர்ந்த நாங்கள் நகராட்சி மற்றும் ஊராட்சி பள்ளிகளுக்கு ஓவியங்களை வரைந்து வருகிறோம். 250க்கும் மேற்பட்ட பள்ளிகளுக்கு நாங்கள் வண்ணம் தீட்டியுள்ளோம் என்பதை அறிவிப்பதில் நாங்கள் மிகவும் மகிழ்ச்சியடைகிறோம்.